Quen saia do coche pola porta do acompañante dá de cara ca roupa.
Podería, debería, bicala como nunha xura de bandeira doméstica e familiar; como mostra de respecto.
Eu bicaríaa....
Cando miro un lavadeiro, miro unha lavadora.
Liberou tempo e servidumes. Aforrou madrugóns e mergullar mans (femininas) en auga fría.
Agora é un lavatendedeiro. Dunha persoa só, da única que vive e pasa perto del, e pode dispoñer deste lavadeiro comunitario como lavadeiro persoal no...
Tina pequena, auga, deterxente a xeito, remollo, esperar, aclarar, escorrer e tender.
Lémbrame a facer pan: artesa, formento, fariña, auga, deixar vir (na miña casa chamámoslle “por no tendal”), formar e enfornar.
E despois, vestir ou comer....