20 Set BLOGME TENDAL DCLXX: Vencidos
Revirados, rotos, estragados, maltratados.
Veñen dunha batalla dura.
Loitaron contra a lavadora, non se sabe con que armas. Semella que a lavadora gañou. Arrincoulles a divisa de lixo.
E pola fasquía dalgún pantalón, debeulle arrincar o lixo con furia ata o desgarro.
Quen recolleu ás vítimas do combate, ten espírito da cruz vermella.
Velaquí os tendeu, ó carón dunha planta de aloe vera.
Para que os pantalóns curen as feridas de estaren limpos
Sen comentarios