BLOGME TENDAL DCLVIII: Falangueiras

28 Xuñ BLOGME TENDAL DCLVIII: Falangueiras

Cada quen ten o seu lado da cama.

Ela dorme con pixama, el só con camisola de asas. O home é case sempre máis caloroso que a muller. E ela debe ser frioleira porque a baixeira é das que dá calor.

En calquera caso os dous son sufridos e a súa roupa tamén.

Dío a roupa. Dío a mancha, esa mancha que xa non marcha, da camisola. Dino as mangas rotas do pixama.

Ai as roupas, que falangueiras son:

Teño na horta unha silva

que me pica e que me prende

teño unha mala veciña

que sen diñeiro me vende

Moita vida descansa nesa cama. Moito descanso merece.

Sen comentarios

Deixar unha resposta

%d bloggers like this: