29 Abr BLOGME TENDAL CCCXXVII: Lavado a man
Tendal de señora.
Que vive soa. E cando lava, lava. E xa posta a lavar, lava a man. Porque son prendas delicadas.
As prendas íntimas, ás que a lavadora trata coma unhas calquera. Tócalles a peor parte, merecen mellor trato. E agradécese.
A blusa, a quen a lavadora trata como se fose toda igual, pero o pescozo e os sobrazos e os puños non son iguais ó resto. Queren man esquerda. E man dereita tamén.
O camisón debeu ir cun simple remollo de paso que se lavaban as outras.
Estas mans saben o que fan.
Sen comentarios