26 Abr BLOGME TENDAL DCXXIX: Evolución
Unha das formas tradicionais ou convencional, ou simplemente coñecidas, era a corda atada en dous puntos máis ou menos afastados un do outro, que bandea baixo para tender a roupa e necesita un pau (estaca, cana, etc) para alzar a corda e ter a roupa despregada ó ar como a velame dun veleiro de Noia gobernado por un capitán de Corme.
Neste tendedeiro tamén hai paus, pero non hai corda. Evolución!
Hai barras con pinzas e colgantes a xeito, dos que penduran as roupas.
Hai paus, cal estacas, para termar das barras.
Pero nada é o que parece, compre reparar:
As barras están pinzadas polas grampas que hai no remate de cada estaca.
As pinzas non terman da roupa, senón do que ten da roupa.
Un tendedeiro é mostra de evolución e imaxinación e adaptación.
Ergo, un tendedeiro é económico. E moderno
Sen comentarios