08 Mai BLOGME TENDAL CCXXIV: Tendedeiro funambulista
Madames et monsieurs, avec vous… Le étendoire troupe!
Pantalóns lixeiros cabeza abaixo. Frouxos, amplos, móbiles e fugaces. Prendidos á corda do trapecio polos pés, cara abaixo. Secan a ritmo irregular de vento, facendo eles sós camballotas e pinchacarneiros que serían imposibles de non ser pola flexibilidade destas roupas, destemidas da altura.
Poderían facer corda frouxa, pero… tamén, cando o vento agavea pola parede e as colle por sorpresa e as iza cara o ceo.
A xefa da troupe, o roupón da esquerda, presenta co seu brazo esquerdo á troupe. E as camisolas secan elegantes no seu abaneo. Tan elegantes que parece que non hai risco de caída.
E se caeran…
… Se caeran molladas aplastaríanse no chan, chafadas, inermes, mortas. E suxas.
… Se caeran secas, caerían na rede do vento facendo camballotas sen fin ata onde a ollada non dera. Espidas de xente, baleiras de límites… tre tre dificil
O más difícil todavía do cotío!
Viva o circo!
Sen comentarios