18 Nov BLOGME TENDAL CCCLV: Debruzados
Velaí vai o pantalón! Velaí vai a chaqueta do chándal! Vese que se teñen por eles, o seu peso e o seu corpo fai que non caian da varanda abaixo.
Velaí van os calzóns… Ooooopá! Estes son lixeiros, leves e promiscuos de seu. Calquera aire os leva. Con calquera aire van. E non volven, déixanse levar. A súa fidelidade está collida con pinzas. Pero non hai pinzas ou non hai ganas de pasar o traballo de ir polas pinzas.
Amarrados logo, como quen amarra o cabalo. Non se vaian desbocar.
Sen comentarios